Joseba Sarrionandia
Wikiquote(e)tik
(Joseba Sarrionaindia(e)tik birzuzenduta)
Joseba Sarrionandia Uribelarrea (Iurreta, Bizkaia, 1958ko apirilaren 13a) euskal idazlea da.
[aldatu] Joseba Sarrionandiaren esanak
- "Bakezale asko, baina bakegile guti".
- "Edozein gai tratatzerakoan beharrezkoa da zalantzaren erreferentzia hori. Zalantzak irekitasuna esan nahi du. Egia etiko edo estetikoa jadanik aurkitu eta ezagutzen delako kriterioa antzua da".
- "Eman dezagun denok apur bat, apur batzuek dena eman beharrik izan ez dezaten".
- "Euskara da gure territorio libre bakarra".
- "Erru guztiak arerioari egozten dizkiogunean, arerio hori gaindiezina egiten dugu".
- "Espainolek gutaz esaten dituzten gezur batzuk asumitu ditugu".
- "Estudianteena da sektorerik iraultzaileena, klaserik gabeko gizartean bizi nahi luketelako".
- "Euskaldunek arkano eta kriptograma asko erabiltzen duzue. Ez zarete nik utzi zintuztedanean bezain jende tolesgabe eta arrunta".
- "Haizeak suaren handinahia harrotzen du, gero errautsak sakabanatzen ditu".
- "Hilda egotea, lo egitea bezalakoa da, baina luzaroan, oso luzaroan, eta txiza egitera jaiki gabe".
- "Kolosala izango da", 76. orr.
- "Idazten dudalarik, idatzi egiten naiz. Irakurtzen duzularik, irakurri egiten zara".
- "Kritika literariorik hoberena: denbora, sitsa, ahazmena".
- "Kultura aniztasuna aintzat hartuta izango gara euskaldun, edo ez gara izango".
- Iturria: Berria egunkaria.
- "Literatura, bizitzeko modua besterik ez da".
- "Ortografia zuzenez idazten dira tontakeria gehienak".
- "Posmodernismoa nostalgikoa da".
- "Sartaldeko oihanetan gatibaturik Erromara ekarri zinduten, esklabua, errementari ofizioa eman zizuten eta kateak egiten dituzu. Labetik ateratzen duzun burdin goria nahieran molda zenezake, ezpatak egin ditzakezu zure herritarrek kateak hauts ditzaten, baina zuk, esklabu horrek, kateak egiten dituzu, kate gehiago".
- "Zaldiaren harrokeria zoologikoa:
- - Xake jokatzen duen animalia bakarra naiz".
[aldatu] Joseba Sarrionandiari buruzko esanak
- "Testuaz kanpoko osagai ideologiko, mitifikatzaile horiek denak nahastu eta halako aureola moduko batean bildua dugu Sarrionandia, ukiezinen balizko zerrenda batean, kasik idazle hilekin egiten den gisa berean". - Ibon Egaña
- Iturria: Kritiken hemeroteka.
- "Utopia eta etsipenaren arteko kinka batean ikusten dut Joseba Sarrionandia. Utopia maite du, baina era berean konturatzen da utopia hori agian ez dela berarentzat izango". - Jon Kortazar
- Iturria: Argia astekaria.
- "Zertan ukatu, bitxia gertatzen zait sekula ikusi ez dudan norbaiten inguruan honenbeste berba egin izana". - Gerardo Markuleta
