Mark Twain

Wikiquote(e)tik
Salto egin: nabigazioa, bilatu
Mark Twain

Mark Twain (Missouri, 1835eko azaroaren 30 - Connecticut, 1910eko apirilaren 21) idazle estatubatuarra zen.

Esanak[aldatu]

  • "Adanentzat paradisua Eva zegoen tokia da".
  • "Adeitasuna da itsuak ikusten eta gorrak entzuten duen hizkuntza".
  • "Alaitzeko erarik onena norbait alaitzen saiatzea da".
  • “Bakardaderik okerrena zeure buruarekin gustura ez egotea da”.
  • "Banku-gizona eguzkia dagoenean euritakoa ematen digun eta euria hasten duenean eskatzen digun gizona da".
  • "Beharbada hitz zehatz bat eraginkorra izango da, baina inoiz ez da izan isiltasun zehatz bat baino hitz eraginkorragorik".
  • "Bizitzearen artea ehorzleak ere zure heriotzaz atsekabetzea lortzean datza".
  • "Daukazun tresna bakarra mailu bat bada, sortzen den arazo bakoitza iltze bat dela pentsatuko duzu".
  • "Debekua da edozer gauza ederra egiten duena".
  • "Egia dugun gauzarik baliotsuena da, aurrez dezagun".
  • "Egin beti zuzena dena. Batzuk gustura utziko dituzu eta gainerakoak txundituta".
  • "Eiffel Dorreak munduaren adina irudikatuko balu, bere gailurreko errematxearen pintura-geruzak adin horretatik gizakiari dagokion zatia irudikatuko luke; eta edonor konturatuko litzateke errematxearen pintura-geruza dela Dorrea eraiki izanaren arrazoia".
  • "Ekintzek hitzek baino ozenago hitz egiten dute, baina ez hain sarritan".
  • "Eros ezazu lurra. Ekoizteari utzi diote".
  • "Erretzeari uztea erraza da. Nik ehun bat aldiz utzia dut".
  • "Esan ezazu beti egia, horrela ez duzu esan duzuna gogoratu beharrik izango".
  • "Eskuzabalak zoriontsu dira besteak zoriontsu ikusita; zekenek ez dute berdin jokatzen, hori egin gabe mila aldiz zoriontasun handiagoa lor dezaketelako. Ez dago beste arrazoirik".
  • "Eta horrela doa mundua. Egia esateko, batzuetan Noek eta bere taldeak itsasontzia galdu izana desiratzen dut".
  • "Ez ibili hor zehar munduak lana zor dizula esanez. Ez dizu ezer zor, bera lehenago zegoen hemen".
  • "Ezin zara zeure begiez fidatu irudimena desenfokatuta duzunean".
  • "Galdu ditudan gauza guztietatik zentzuaren falta sumatzen dut gehien".
  • "Gauza gutxi dira adibide on bat baino jasaten zailagoak".
    • Pudd'nhead Wilson (1894)
  • "Gaztea nintzenean dena gogora nezakeen, benetan gertatua izan nahiz ez".
  • "Gehiengoarekin bat zatozen bakoitzean, geldialdi bat egin eta hausnarketa egiteko garaia da".
  • "Giza arrazak benetan arma eraginkor bat du: barrea".
  • "Gizaki oro ilargia bezalakoa da: inori erakusten ez dion aurpegi ilun bat du".
  • "Gizakia da goserik gabe jaten duen, egarririk gabe edaten duen eta ezer esatekorik izan gabe hitz egiten duen animalia bakarra".
  • "Gizakia da lotsaz gorritzen den animalia bakarra. Edo horretarako beharra duena".
    • Following the Equator (1897)
  • "Gizakia esperimentu bat da, denborak esango du merezi zuen edo ez".
  • "Gizakia Jainkoak astebeteko lanaren amaieran egin zuen izakia da, jada nekatuta zegoenean".
  • "Goseak hiltzear dagoen zakur bat hartu, gizendu eta ez dizue hozka egingo. Hori da zakur baten eta gizon baten arteko alderik nabarmenena".
  • "Hamalau urte nituenean, nire aita hain zen ezjakina, ezen ezin nuela jasan. Baina hogeita bat bete nituenean, sinestezina iruditzen zitzaidan nire aitak zazpi urtetan ikasi zuen guztia".
  • "Hemendik hogei urtera, desilusionatuago egongo zara egin zenuenagatik baino, egin ez zenuenagatik".
  • "Hiru motatako gezurrak daude: gezurrak, gezur madarikatuak eta estatistikak".
  • "Hobe da kakalardo gazte bat izatea, paradisuko hegazti zahar bat baino".
  • "Ideia berri bat duen gizona eroa da ideiak arrakasta izaten duen arte".
  • "Ideia onak adierazteko gai ez den pertsona bat ideia onak izateko gai ez dena bezain ezereza da".
  • "Inoiz ez nuen eskolak nire heziketan eragin zezan utzi".
  • "Inoiz ez utzi amets egiten dutenek alda zaitzaten".
  • "Inork ez du ohitura txar bat leihotik behera botata gainetik kentzen; eskaileretatik atera behar da, mailaz maila".
  • "Irakurle, imajinatu ergela zarela. Eta imajinatu Kongresuko kidea zarela. Baina hori erredundantea da".
  • "Izaki guztien artean gizakiak dira gorrotagarrienak; izan ere, denbora-pasa gisa mina eragiten duten bakarrak dira, min egiten dutela jakinik".
  • "Izan zaitez ona eta aspertuko zara".
  • "Kargatutako pistola batekin ibil daiteke, kargatu gabeko pistola batekin ere bai; baina ezin liteke ibili kargatuta dagoen edo ez ez dakigun pistola batekin".
  • "Katu baten eta gezurti baten arteko alderik handiena katuak ez dituela bederatzi bizitza da".
  • "Klimagatik nahiago dut paradisua; konpainiagatik, infernua".
  • "Lana behartuta egiten den guztia da; jokoa, hartara behartuta egon gabe egiten dena".
  • "Lehendabizi egiaztatu gertaerak. Gero alda ditzakezu".
  • "Nik uste dut gure zeruetako aitak tximinoarekin itxaropena galdu zuelako sortu zuela gizakia".
  • "Nire adinean, norbait aurkezten didatenean jada ez dit axola zuria den, beltza, katolikoa, musulmana, judutarra, kapitalista, komunista... Nahikoa dut gizakia izatearekin. Okerragoa ezin liteke izan".
  • "Nire amak arazo asko izan zituen ni hezteko... Baina gozatu zuela uste dut".
  • "Nire bizitzan gauza ikaragarriak pasatu ditut, horietako batzuk benetan gertatutakoak".
  • "Nire heriotzaren berria gehiegikeria izan zen" (Jatorrizkoa: "The report of my death was an exaggeration").
    • New York Journal egunkariari, 1897ko ekainean.
  • "Norbait maite duzun edo gorroto duzun jakiteko, berarekin bidaia bat egitea baino era ziurragorik ez dagoela deskubritu dut".
  • "Parisen frantsesez egin nienean bakarrik geratu zitzaizkidan begira; sekula ez nuen lortu ergel haiek euren hizkuntza uler zezaten".
  • "Poz baten balio guztia lortzeko norekin errepikatu izan behar duzu".
  • "Probidentziak umeak eta ergelak babesten ditu. Probatu dudalako dakit".
  • "Umila jaio nintzen, baina gutxi iraun zidan".
  • "Urria Burtsan espekulatzeko hilabete bereziki arriskutsuetako bat da. Besteak hauek dira: uztaila, urtarrila, iraila, apirila, azaroa, maiatza, martxoa, ekaina, abendua, abuztua eta otsaila".
  • "Urrun zaitez zure asmoak txikiagotu nahi dituztenengandik. Jende txikiak hori egiten du beti, baina benetan handia denak zu ere handia izan zintezkeela sentiarazten dizu".
  • "Wagnerren musika entzuten dena baino hobea da".
  • "Zenbaitetan edari gehiegi ere ez da nahikoa".
  • "Zergatik pozten gara ezkontzetan eta goibeltzen gara hiletetan? Protagonistak gu ez garelako".
  • "Zerua han goian geneukan, dena izarrez betea, eta lurrean etzan ohi ginen gora begira, ea egin zituzten edo besterik gabe agertu ziren eztabaidatuz".
    • The adventures of Huckleberry Finn (1884)
  • "Zintzotasuna: galdutako arte guztien artean onena".

Kanpo loturak[aldatu]

Wikipedia-logo-v2.svg
Wikipedian artikulu bat dago:
Mark Twain
Commons-logo.svg
Commonsen artxibo gehiago dago:
Mark Twain