Lazkao Txiki
Wikiquote(e)tik
Joxe Migel Iztueta Kortajarena edo Lazkao Txiki (Lazkao, 1926ko irailaren 15a - Donostia, 1993ko apirilaren 3a) bertsolaria izan zen.
[aldatu] Esanak
- "Eta igitaia eta mailuarekin al zabiltzate oraindik, gaur dauden aurrerapenekin?" (Komunista batzuei)
- "Gizona ez al da neurtzen okotzetik kopetara?"
- "Hori gu baino gehiago duk: horrek hanka bat zeukak motza eta guk, biak." (Mattin lagunari, hankamotz bat ikusitakoan)
- "- Joxe Migel, non jaio zinen?
- - Lazkaon.
- - Eta hazi?
- - Hazi, inon ez."
- "Martxa honetan aurki erdaraz hitz egingo dugu, euskaraz ari garelakoan." (Euskarak jasaten duen erdararen eraginari buruz)
- "Nahiago diat bi botila huts baino, baso bat betea." (Bi bertsolari alturen artean kantatuz)
- "Nahiago nuke oilasko hau piztuko balitz, bizirik zer tipo daukan ikusteko." (Jatetxe batean oilaskoa eskatu eta hiru hego, bi lepo, bi ipurdi eta hanka bat atera zizkiotenean)
- "Niri beti txikitako gauzak akordatzen zaizkidak, handia ez nauk sekula izan eta."
- "Nola edukiko dik, ba, tomateak indarra, zutik ezin dituk egon eta zutoin bati lotu gabe!"
- "- Nola ikusten duzu zuk zeure burua?
- - Ispiluan."
- "Politikan ez dago gauza politikan."
- "Txillida omen duk artista, hi! Hark egiten duena ulertzen duena, hura bai artista!"
- "Zahartuko haiz hi ere!" (Gaztea naiz eta zer? zioen kartel bati begira)
- "- Zenbat senide zarete?
- - Gu, zazpi.
- - Eta bizi?
- - Bizi, ni bakarrik.
- - Eta besteak?
- - Ez, haiek lana egiten dute."
- "Zertarako behar ditut hanka luzeagoak, lurreraino iristen badira?"
- "Zuk lo jarriko nauzu, baina nork jarriko du iratzargailua?" (Hil aurreko ebakuntzan, anestesia jarri behar zion sendagileari)
